جیسمین سے طلاق پر بادشاہ کی لب کشائی

معروف ریپر اور گلوکار بادشاہ نے حال ہی میں اپنے تعلقات اور سابقہ اہلیہ جیسمین مسیح سے علیحدگی کے حوالے سے اپنے خیالات کا اظہار کیا اور کہا کہ مجھے اس پر کوئی پچھتاوا نہیں۔  

ایک پوڈکاسٹ کے دوران بات چیت کرتے ہوئے ادتیا پرتیک سنگھ سسوڈیا  المعروف بادشاہ نے بتایا کہ میں نے اپنے رشتے کو بچانے کی پوری کوشش کی تھی۔ 

بادشاہ سے جب دوران گفتگو ان کی علیحدگی کے بارے میں سوال کیا گیا تو انہوں نے کہا ’مجھے معلوم ہے کہ ہم دونوں نے ہر ممکن کوشش کی۔ ہم نے اپنی بہترین کوشش کی اور وہ سب کچھ کیا جو ہم کر سکتے تھے۔‘

بھارتی گلوکار بادشاہ کی بلآخر اپنی کرش ہانیہ عامر سے ملاقات، تصاوئر وائرل

پاکستانی خوبرو اور چلبلی اداکارہ ہانیہ عامر کی دبئی میں بھارتی گلوکار اور ریپر آدتیہ پرتیک سنگھ سسودیا عرف بادشاہ کے ہمراہ سیر سپاٹے کی تصاویر سوشل میڈیا کی زینت بن گئیں۔

اپنی بات کو جاری رکھتے ہوئے باشادہ کا کہنا تھا کہ ہم علیحدہ اس لیے ہوئے کیونکہ ساتھ رہنا ہمارے بچے کےلیے صحت مند نہیں تھا۔

انہوں نے بتایا کہ مجھے اپنے بچے سے ملنے کا موقع ملتا ہے لیکن زیادہ نہیں کیونکہ وہ لوگ لندن میں رہ رہے ہیں۔ 

انہوں نے مزید کہا کہ ان کے اور جیسمین کے درمیان آج بھی دوستانہ تعلقات ہیں، وہ میرے حالیہ کنسرٹ میں بھی آئی تھیں۔

ہنی سنگھ کو دوبارہ کامیاب ہوتا دیکھ کر بہت خوشی ہوئی، بادشاہ

بادشاہ اور ہنی سنگھ کے درمیان اختلافات کوئی ڈھکی چھپی بات نہیں لیکن اب لگتا ہے کہ بادشاہ ان اختلافات کو بھلا کر آگے بڑھنا چاہتے ہیں۔

انکا کہنا تھا کہ میری بیٹی کے ساتھ میرا تعلق اچھا ہے لیکن وہ میری فین نہیں ہے، وہ بلیک پنک کو سنتی ہے۔ ایک موسیقار کےلیے اپنے بچے کو دوسرے موسیقار کا مرچنڈائز خرید کر دینا تھوڑا تکلیف دہ ہوتا ہے۔

بادشاہ نے یہ بھی کہا کہ جب کسی رشتے میں بچہ شامل ہو تو کیریئر کو پیچھے رکھنا پڑتا ہے اور چیزیں پیچیدہ ہو جاتی ہیں۔

انہوں نے مزید بتایا کہ وہ ہمیشہ سے بیٹی چاہتے تھے اور ان کی بیٹی کی پیدائش نے ان کی یہ خواہش پوری کی۔