منکی پاکس، ایئر پورٹس پر بی ایچ ایس اسٹاف میں اضافہ

ملک کے ایئر پورٹس پر منکی پاکس کی روک تھام کے لیے سخت اقدامات کیے جا رہے ہیں۔

ترجمان سی اے اے کے مطابق جناح انٹرنیشنل پر بی ایچ ایس اسٹاف کی تعداد میں اضافہ کر دیا گیا ہے۔

جناح انٹرنیشنل پر 2 ڈاکٹرز ہر وقت ڈیوٹی پر ہوں گے، طبی معاونین کی تعداد بھی بڑھا دی گئی ہے۔

جناح انٹرنیشنل میں اگست کے دوران 1 لاکھ 46 ہزار 722 مسافروں کی اسکریننگ ہوئی۔

ہر بین الاقوامی پرواز کے بعد امیگریشن اور لاؤنج ایریا میں جراثیم کش اسپرے کیا جا رہا ہے، مشتبہ مسافر کی چیکنگ اور آئیسولیشن کے لیے مزید ایک ایک کیبن نصب کر دیا گیا ہے۔