• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
16 ستمبر ، 2024

حساس ……

کل ہمارے اسپتال میں عجیب مریض آیا،

میرے دوست ڈاکٹر لارنس نے بتایا۔

وہ واشنگٹن کے اسپتال میں کام کرتا ہے۔

کیا عجیب بات تھی؟ میں نے پوچھا۔

اے سی چلانے پر ٹھٹھرنے لگتا تھا۔

بند کرنے پر پسینہ پسینہ ہو جاتا۔

نارمل آواز پر چیختا تھا، کان کے پردے پھٹ جائیں گے۔

سرگوشی پر کچھ سن نہیں پاتا تھا۔

اس کی آنکھیں روشنی میں چندھیا جاتیں۔

روشنی کم کرنے پر وہ نا بینا ہو جاتا۔

لارنس نے تفصیل بتائی۔

اوہ، یعنی بہت حساس تھا، میں نے تبصرہ کیا۔

لارنس نے کہا،

ہاں۔ پھر تشخیص ہوئی کہ وہ پاکستانی ہے۔

تازہ ترین