ایم کیو ایم کا مقامی حکومتوں سے متعلق مجوزہ ترمیمی بل جمع

متحدہ قومی موومنٹ (ایم کیو ایم) نےقومی اسمبلی میں مقامی حکومتوں کے یکساں نظام کےلیے مجوزہ آئینی ترمیمی بل جمع کروادیا۔

ایم کیو ایم نے بل کو 26 ویں ترمیمی ایکٹ 2024ء کا نام دیا ہے، جس میں کہا گیا ہے کہ پورے ملک میں مقامی حکومتوں کا یکساں نظام قائم کیا جائے۔

آئینی ترمیم، اسحاق ڈار نے ایم کیو ایم کو اعتماد میں لے لیا

ڈپٹی وزیراعظم اور وزیر خارجہ سینیٹر اسحاق ڈار نے حکومتی اتحادی متحدہ قومی موومنٹ (ایم کیو ایم) وفد سے ملاقات کی ہے۔

ترمیمی بل میں کہا گیا کہ 10 لاکھ سے زیادہ آبادی والے شہر میں میٹرو پولیٹن سٹی گورنمنٹ تشکیل دی جائے گی۔

ایم کیو ایم کے بل میں مزید کہا گیا کہ مقامی حکومتوں کے انتخابات الیکشن کمیشن کے ذریعے کرائے جائیں گے، میئر یا چیئرمین براہِ راست منتخب کیا جائے گا۔

بل میں تجویز دی گئی کہ میئر کو میونسپل سروسز فراہم کرنے والے تمام اداروں پر کنٹرول حاصل ہوگا، ہر مقامی حکومت اپنے پہلے اجلاس کی تاریخ سے 5 سال تک جاری رہے گی۔

گورنر کامران ٹیسوری کا پی پی اور ایم کیو ایم کو ایک میز پر بیٹھانے کا عزم

گورنر سندھ کامران ٹیسوری نے پیپلز پارٹی اور متحدہ قومی موومنٹ پر ایک میز پر بیٹھانے کے عزم کا اظہار کردیا۔

ترمیمی بل میں یہ بھی کہا گیا کہ آئین میں مقامی حکومتوں کے کردار، ذمے داری اور اختیارات کی واضح وضاحت کرنا ضروری ہے۔

بل میں تجویز دی گئی کہ مجوزہ آئینی ترمیمی بل میں میئر کو میونسپل سروسز فراہم کرنے والے تمام اداروں کا کا کنٹرول دینے اور صوبائی اور مقامی حکومتوں کے درمیان وسائل کی تقسیم کا یکساں فارمولا لاگو کرنے سمیت مختلف تجاویز دی گئی ہیں۔