فرمان الہی
نماز کے اوقات
خیرپور(بیورو رپورٹ)خیرپور کے تاریخی پھول باغ میں پیپلزپارٹی کے چیئرمین بلاول بھٹو زرداری کی 36ویں سالگرہ پر تاریخی جلسے کا انعقاد ہزاروں افراد شریک ہوئے ،بلاول بھٹو کو پاکستان کا وزیر اعظم دیکھنا چاہتے ہیں، نواب خان وسان ۔تفصیلات کے مطابق ،خیرپور کے تاریخی پھول باغ میں پیپلزپارٹی کے چیئرمین بلاول بھٹو زرداری کی 36ویں سالگرہ پر تاریخی جلسہ منعقد ہوا، جلسے میں ہزاروں افراد شریک ہوئے ،بڑی تعداد میں خواتین کارکن بھی شریک ہوئیں، جلسے کی صدارت پیپلزپارٹی ضلع خیرپور کے صدر اور سابق رکن قومی اسمبلی نواب خان وسان نے کی ،جبکہ پیپلزپارٹی سندھ کے سیکریٹری اطلاعات عاجز دھامراہ ،ڈاکٹرغلام مصطفیٰ سہاگ، ریحانہ سہاگ ، شازیہ شاہ، سید حسین علی شاہ جیلانی جلسے کے مہمانان خصوصی تھے ۔ نواب خان وسان نے جلسے سے خطاب کرتے ہوئے کہاکہ بلاول بھٹو زرداری کو پاکستان کا وزیر اعظم دیکھنا چاہتے ہیں ،پیپلزپارٹی مقبول عوامی پارٹی ہے۔ انہوں نے کہاکہ بلاول بھٹو زرداری شہید بے نظیر بھٹو کے صاحبزادے ہیں ،شہید ذوالفقار علی بھٹو اور شہید بے نظیر بھٹو کی بے مثال قربانیاں ہیں ۔ انہوں نے کہاکہ بلاول بھٹو زرداری کے سالگرہ کے جلسے میں ہزاروں افراد کو دیکھ کر خوشی ہوئی، بڑی تعداد میں خواتین بھی جلسے میں شریک ہوئی ہیں ۔انہوں نے کہاکہ پارٹی قیادت نے ان کو خیرپور ضلع کا صدر مقرر کیا ہے۔
