پاکستان کا چینی کمپنی کے ساتھ سونے، تانبے، دیگر دھاتوں کی مائننگ کیلئے معاہدہ

پاکستان نے چینی کمپنی کے ساتھ سونے، تانبے اور دیگر دھاتوں کی مائننگ کیلئے معاہدہ طے پاگیا۔

اعلامیے کے مطابق سونے، تانبے اور دیگر دھاتوں کی مائننگ میں جوائنٹ وینچرز کیلئے دونوں جانب سے فوکل پرسن مقرر کیے گئے ہیں۔ کمپنی مائننگ، جیولوجی، معدنیات کی تلاش اور پروسیسنگ میں مہارت رکھتی ہے۔

وزیر پیٹرولیم مصدق ملک نے چین میں شانزی نان فیرس میٹلز ہولڈنگ کمپنی کا دورہ کیا۔

پاکستان میں جاپان اور جنوبی کوریا سے بھاری سرمایہ کاری ہو سکتی ہے: سید فیروز عالم شاہ

سرمایہ کاری کے شعبے میں تمغۂ امتیاز حاصل کرنے والی شخصیت سید فیروز عالم شاہ کا کہنا ہے کہ پاکستان میں جاپان اور جنوبی کوریا سے بھاری سرمایہ کاری ہو سکتی ہے۔

اس سے متعلق گفتگو کرتے ہوئے وزیر پیٹرولیم مصدق ملک کا کہنا ہے کہ پاکستان معدنیات سے مالا مال ہے، چینی کمپنی کے ساتھ شراکت داری پاکستانی مائننگ میں جدت کا نیا باب کھولے گی۔

وزیر پیٹرولیم نے کہا کہ جیولوجیکل سروے معدنیات کی دریافت میں بنیادی حیثیت رکھتا ہے، شانزی نان فیرس ہولڈنگ کے تعاون سے جیولوجیکل سروے آف پاکستان کی بہتری پر کام کریں گے۔

بورڈ چیئرمین چینی کمپنی نے کہا کہ یہ شراکت داری دو طرفہ تعاون کیلئے مفید ثابت ہوگی، پاکستان کو ہمیشہ بہترین ساتھی، دوست اور ہمسایہ سمجھتے ہیں۔