سعودی عرب کے قومی دن پر وزیراعظم کی شاہ سلمان اور ولی عہد کو مبارکباد

وزیراعظم شہباز شریف نے سعودی عرب کے قومی دن پر شاہ سلمان بن عبدالعزیز اور ولی عہد شہزادہ محمد بن سلمان کو مبارکباد دی ہے۔

ایک بیان میں وزیراعظم شہباز شریف نے کہا ہے کہ سعودی عرب کے قومی دن پر شاہ سلمان بن عبدالعزیز اور ولی عہد شہزادہ محمد بن سلمان کو مبارکباد دیتا ہوں، سعودی عوام کو 94واں قومی دن مبارک ہو۔

پاکستان اور سعودی عرب نے ہمیشہ مشکل میں ایک دوسرے کا ساتھ دیا ہے، صدر زرداری

صدر آصف علی زرداری نے سعودی عرب کیساتھ دوطرفہ تعاون مزید مضبوط کرنے کے عزم کا اعادہ کیا۔ صدرمملکت نے سعودی عرب کیساتھ معیشت، تجارت، دفاع، ثقافت اور تعلیم کے شعبوں میں روابط بڑھانے پر زور دیا۔

وزیراعظم نے کہا ترقی اور خوشحالی کےلیے سعودی قیادت کا وژن مثالی ہے۔ معاشی ترقی اور کاروباری سرگرمیوں میں اضافے کیلئے سعودی عرب کے اقدامات قابل تقلید ہیں۔ 

وزیراعظم نے کہا کہ سعودی عرب امن، خوشحالی، استحکام اور بین المذاہب ہم آہنگی کا اہم وکیل ہے۔ پاکستان اور سعودی عرب نے ہر مشکل وقت میں ایک دوسرے کی مدد کی۔