فرمان الہی
نماز کے اوقات
کراچی( افضل ندیم ڈوگر )مختلف ایئر لائنز کے اپریشنل مسائل کی وجہ سے کراچی اور کوئٹہ سے 5 بین الاقوامی پروازیں منسوخ کردی گئیں جبکہ 20 میں تاخیر ہوئی۔ ایوی ایشن ذرائع کے مطابق کراچی سے دبئی کی پرواز پی کے 214، بغداد کراچی کی دو پروازیں ائی اے 409، 410اور کوئٹہ شارجہ کی غیرملکی ایئر کی دو پروازیں جی 9567، 9568 منسوخ کردی گئیں۔ ملتان دبئی کی پرواز پی کے 221 ساڑھے 7گھنٹے تاخیر سے رات ایک بجے روانہ ہوئی۔ لاہور سے کوئٹہ کی پرواز نجی ایئر کی پرواز 857 سوا 5 گھنٹے تاخیر کا شکار ہوئی۔ ملتان جدہ کی پرواز ایس وی 801 تین گھنٹے لاہور اور جدہ کے مابین 5 پروازوں کی امد روانگی میں ساڑھے 3سے 8گھنٹے کی تاخیر ہوئی۔
