انگلینڈ کیخلاف پہلے ٹیسٹ کیلئے پاکستان کے 15 رکنی اسکواڈ کا اعلان

انگلینڈ کے خلاف پہلے ٹیسٹ کےلیے پاکستان کے 15 رکنی اسکواڈ کا اعلان کردیا گیا ہے۔ قومی ٹیسٹ اسکواڈ میں شامل کھلاڑی چیمپئنز کپ سے دستبرد ہوگئے۔ 

پی سی بی اعلامیہ کے مطابق خرم شہزاد کی جگہ نعمان علی کو قومی اسکواڈ میں شامل کرلیا گیا ہے۔ خرم شہزاد فٹنس بحال نہیں کرسکے۔

واضح رہے کہ نعمان علی نے آخری ٹیسٹ جولائی 2023 میں کھیلا تھا۔

دوسری جانب کامران غلام اور محمد علی کو 15 رکنی اسکواڈ میں نہیں رکھا گیا۔ 

پاکستان انگلینڈ ٹیسٹ سیریز کے نظرِ ثانی شدہ شیڈول کا اعلان

پاکستان اور انگلینڈ کے درمیان ٹیسٹ سیریز کے نظرثانی شدہ شیڈول کا اعلان کر دیا گیا۔

فاسٹ بولر عامر جمال کی قومی ٹیسٹ اسکواڈ میں واپسی ہوئی ہے جبکہ خراب فارم کے باوجود عبداللّٰہ شفیق بھی 15 رکنی ٹیم میں جگہ برقرار رکھنے میں کامیاب ہوگئے۔ 

نوجوان محمد ہریرہ کو بھی انگلینڈ کے خلاف ٹیسٹ اسکواڈ میں شامل کیا گیا ہے۔

پہلے ٹیسٹ کے اسکواڈ میں شان مسعود، سعود شکیل، عامر جمال، عبداللّٰہ  شفیق، ابرار احمد، بابر اعظم، میر حمزہ، محمد ہریرہ، محمد رضوان، نسیم شاہ، نعمان علی، صائم ایوب، سلمان علی آغا، سرفراز احمد اور شاہین آفریدی شامل ہیں۔ 

ٹیسٹ اسکواڈ کے کھلاڑی 30 ستمبر کو ملتان میں جمع ہوں گے، قومی ٹیم کا کیمپ یکم اکتوبر سے ملتان میں شروع ہوگا۔