امریکا میں وزیرِاعظم شہباز شریف کے طے شدہ پروگرامز پر عمل نہ ہو سکا

وزیرِاعظم شہباز شریف کی دورۂ اقوامِ متحدہ کے دوران کچھ مصروفیات کو عملی جامہ نہ پہنایا جا سکا۔

وزیرِ اعظم  کی مصروفیات کی وجہ سے امریکی میڈیا کو انٹرویو اور پاکستانی کمیونٹی سے ملاقات کا طے شدہ پروگرام منسوخ کرنا پڑا۔

ذرائع کا کہنا ہے کہ پاکستانی کمیونٹی کے منتخب افراد سے ملاقات کی منظوری نہیں دی گئی تھی۔

ذرائع کے مطابق وزیرِ اعظم جنرل اسمبلی سے خطاب کے بعد ہوٹل پہنچے اور وہاں سے روانہ ہو گئے، ان کے ساتھ سفر کرنے والے افراد کا سامان پہلے ہی ایئر پورٹ لے جایا گیا تھا۔

وزیرِاعظم شہباز شریف کے ساتھ ملاقات بہت مفید رہی، ایم ڈی آئی ایم ایف کرسٹینا جارجیوا

کرسٹالینا جارجیوا نے اپنے ایک بیان میں کہا ہے کہ وزیرِ اعظم شہباز شریف سے پاکستان کے لیے نئے فنڈ کی معاونت سے چلنے والے پروگرام پر بات چیت ہوئی، یہ فنڈ پروگرام مہنگائی میں کمی کے لیے مدد فراہم کرتا ہے۔

واضح رہے کہ وزیرِ اعظم شہباز شریف امریکا کا دورہ مکمل کر کے لندن پہنچ گئے ہیں جہاں وہ 3 سے 4 روز قیام کریں گے۔

اس سے قبل شہباز شریف نے امریکا میں یو این جنرل اسمبلی کے اجلاس سے خطاب کیا تھا۔

علاوہ ازیں وزیرِاعظم نے برطانوی ہم منصب کیئر اسٹارمر سمیت کئی اہم شخصیات سے بھی ملاقات کی تھی۔