عاصم خان امریکا میں شارلٹس ول اوپن اسکواش ٹورنامنٹ کے فائنل میں پہنچ گئے

پاکستانی اسکواش کھلاڑی عاصم خان نے امریکا میں جاری شارلٹس ول اوپن اسکواش ٹورنامنٹ کے فائنل میں جگہ بنالی۔

سیمی فائنل میں عاصم نے میکسیکو کے سیزار سیلازار کو اسٹریٹ گیمز میں شکست دے کر فیصلہ کُن معرکے میں جگہ بنائی۔

میکسیکن کھلاڑی کے خلاف عاصم کی جیت کا اسکور 11-5، 11-5، اور 11-4 رہا۔

عاصم خان کی اس شاندار کارکردگی نے انہیں 28،750 ڈالرز کی انعامی رقم والے اس ایونٹ کے فائنل تک پہنچایا ہے۔

اب عاصم خان کا مقابلہ انگلینڈ کے نک وال سے ہوگا۔