حسن نصر اللّٰہ کی نماز جنازہ اور تدفین کا مقام خفیہ رکھنے پر اتفاق

اسرائیل کے حملے کے خدشے کے پیش نظر لبنانی مزاحمتی تنظیم حزب اللّٰہ کے شہید رہنما حسن نصر اللّٰہ کی نماز جنازہ کا مقام خفیہ رکھا گیا ہے۔

گزشتہ دونوں اسرائیلی حملے میں شہید ہونے والے حسن نصر اللّٰہ کی تدفین کےلیے عراق میں نجف اشرف، کربلا یا ایران میں کسی مقام پر تدفین پر غور کررہے ہیں۔

میڈیا رپورٹس کے مطابق اس بات کا بھی امکان ہے کہ عراق میں نجف اشرف یا کربلا میں یا ایران میں کسی مقام پر حسن نصر اللّٰہ کی نماز جنازہ ادا کی جائے۔

حالیہ اسرائیلی حملوں میں شہید ہونے والی اہم شخصیات

اسرائیل نے حالیہ چند ماہ میں اپنی مخالف عسکریت پسند تنظیموں حزب اللّٰہ اور حماس کے ساتھ ایران کے بھی بڑے ناموں کو شہید کیا ہے۔

حسن نصر اللّٰہ کے قریبی رفقاء نے  ممکنہ اسرائیلی حملوں کے پیش نظر نماز جنازہ انتہائی مختصر رکھنے پر اتفاق کیا ہے جبکہ اُن کی نمازجنازہ کا مقام بھی خفیہ رکھا ہوا ہے۔

عرب میڈیا کے مطابق حزب اللّٰہ کے شہید رہنما ساتھ شہادت پانے والے علی کرکی اور دیگر شہدا کی تدفین کردی گئی ہے۔

یاد رہے کہ حسن نصر اللّٰہ ساتھیوں سمیت لبنانی دارالحکومت بیروت میں 27 ستمبر کو اسرائیلی حملے میں شہید ہوئے تھے۔