دوستوں نے دھوکا دیا، ڈراموں کے گانے لکھوائے، کریڈٹ نہیں دیا: جویریہ سعود

پاکستان شوبز انڈسٹری سے وابستہ اداکارہ جویریہ سعود نے دعویٰ کیا ہے کہ انہوں نے سُپر ہٹ ڈراموں کے او ایس ٹی لکھے مگر کسی نے کریڈٹ نہیں دیا۔

حال ہی میں اداکارہ نے نجی ٹی وی چینل کے پروگرام میں شرکت کی جہاں انہوں نے اپنی نجی زندگی، کیریئر سمت مختلف امور پر بات چیت کی۔

ایک سوال کا جواب دیتے ہوئے انہوں نے کہا کہ میں اللّٰہ تعالیٰ سے کچھ نہیں مانگتی، جو میرے حق میں بہتر ہوتا ہے وہ اللّٰہ تعالیٰ خود دے دیتے ہیں۔

جویریہ سعود نے اس رمضان المبارک اعتکاف کی سعادت حاصل کرلی

پاکستان شوبز انڈسٹری کی معروف اداکارہ، مصنفہ و پروڈیوسر جویریہ سعود نے اس رمضان المبارک اعتکاف کی سعادت حاصل کرلی۔

انہوں نے اس منطق کے پیچھے کا خیال بیان کرتے ہوئے بتایا کہ میں نے کسی کتاب میں پڑھا تھا کہ اللّٰہ سے دنیاوی چیزیں مانگنے سے بہتر ہے اس سے اسی کو مانگ لو، اس دن کے بعد سے میں یہی دعا کرتی ہوں کہ مجھے کچھ نہیں چاہیے بس جو حق میں بہتر ہے، جو میرے لیے منتخب کر دیا ہے وہ مجھے دے دیں، میں اس کی رضا میں خوش ہوں۔

ایک اور سوال کا جواب دیتے ہوئے اداکارہ نے کہا کہ انسان دوستوں کی جانب سے ملنے والے دھوکے سے ہی سیکھتا ہے۔

انہوں نے کہا کہ کئی دوستوں نے متعدد ڈراموں کے گانے لکھوائے مگر کبھی کریڈٹ نہیں دیا۔

جویریہ سعود کے مطابق گانے لکھوا کر کریڈٹ نہ دینے کے معاملات انتہائی چھوٹے ہیں، اس سے بڑے بڑے معاملات اور دھوکے بھی ہوتے ہیں لیکن میں نے ان کا ذکر نہیں کیا۔

میرے بچوں نے اسرائیلی کمپنی کی تشہیر کرنے سے انکار کردیا: جویریہ سعود کا انکشاف

پاکستان شوبز انڈسٹری کی معروف اداکارہ جویریہ سعود نے انکشاف کیا ہے کہ ان کے بچوں نے مظلوم فلسطینیوں کی حمایت میں اسرائیلی کمپنی کے ٹی وی کمرشل میں کام کرنے کی پیشکش کو ٹھکرا دیا ہے۔

اداکارہ نے کہا کہ انسان دوستوں سے ملنے والے دھوکے سے ہی سیکھتا ہے اور میں نے بھی سیکھا لیا ہے لیکن مجھے کوئی پچھتاوا نہیں کہ مجھ سے گانے لکھوانے کے باوجود کریڈٹ کیوں نہیں دیا گیا۔