• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملائیشین وزیرِ اعظم کی آرمی چیف سے ملاقات، دہشتگردی کیخلاف جنگ میں پاک فوج کی قربانیوں کا اعتراف

تازہ ترین
قومی خبریں
04 اکتوبر ، 2024
تصویر بشکریہ آئی ایس پی آر
تصویر بشکریہ آئی ایس پی آر

آرمی چیف جنرل سید عاصم منیر سے ملائیشیا کے وزیرِ اعظم نے ملاقات کی ہے۔

انٹر سروسز پبلک ریلیشنز (آئی ایس پی آر) کے مطابق ملاقات میں دو طرفہ اسٹریٹجک انٹرسٹ، علاقائی سلامتی اور دفاعی تعاون پر تبادلۂ خیال کیا گیا۔

اس موقع پر ملائیشیا کے وزیرِ اعظم نے علاقائی امن و استحکام میں افواجِ پاکستان کے کردار کو سراہا اور دہشت گردی کے خلاف جنگ میں پاکستانی فوج کی پیشہ ورانہ مہارت کو سراہا۔

تصویر بشکریہ آئی ایس پی آر
تصویر بشکریہ آئی ایس پی آر

آئی ایس پی آر کے مطابق ملائیشین وزیرِ اعظم نے دہشت گردی کے خلاف جنگ میں پاکستانی فوج کی قربانیوں کا اعتراف کیا۔

ملاقات میں پاکستان ملائیشیا دو طرفہ تعلقات بالخصوص فوجی تعلقات بڑھانے کی ضرورت پر زور دیا گیا۔

ملائیشیا کے ساتھ دفاع اور سیکیورٹی کے شعبے میں تعاون کو فروغ دیں گے: وزیرِ اعظم شہباز شریف

اسلام آباد میں وزیرِ اعظم شہباز شریف اور ملائشیا کے وزیرِ اعظم نے مشترکہ نیوز کانفرنس کی۔

ملائیشین وزیرِ اعظم انور ابراہیم نے آرمی چیف کو ملائیشیا کے دورے کی دعوت دی جس پر جنرل سید عاصم منیر نے ان کا شکریہ ادا کیا۔

آئی ایس پی آر کے مطابق دورے سے دونوں ممالک اور فوج کے درمیان پائیدار اور تاریخی تعلقات کو مزید بہتر بنانے میں مدد ملے گی۔

اس سے قبل آرمی چیف نے ایوانِ صدر میں ملائیشیا کے وزیرِ اعظم کے اعزاز میں منعقدہ تقریب میں بھی شرکت کی تھی۔

قومی خبریں سے مزید