• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہید حسن نصراللّٰہ کی بیروت میں انتہائی رازداری کے ساتھ خفیہ مقام پر امانتاً تدفین

تازہ ترین
بین الاقوامی خبریں
04 اکتوبر ، 2024
فائل فوٹو۔
فائل فوٹو۔

شہید حسن نصراللّٰہ کی بیروت میں انتہائی رازداری کے ساتھ خفیہ مقام پر امانتاً تدفین کر دی گئی۔ 

اس بارے میں العربیہ ٹی وی نے جمعہ کو حزب اللّٰہ کے قریبی ذرائع سے بتایا کہ حزب اللّٰہ کے شہید سربراہ سید حسن نصر اللّٰہ کی خفیہ مقام پر عارضی طور پر امانتاً اس وقت تک کے لیے تدفین کی گئی ہے جب حالات عوامی اجتماع کی اجازت دیں گے۔

آیت اللّٰہ خامنہ ای نے حسن نصراللّٰہ کو اسرائیلی سازش سے خبردار کیا تھا، رپورٹ

ذرائع کے مطابق خامنہ ای کا پیغام کمانڈر پاسداران انقلاب بریگیڈیئر جنرل عباس نلفوروشان نے پہنچایا تھا جو اسرائیلی حملے کے وقت زیر زمین بنکر میں موجود تھے۔

ذرائع نے کہا کہ عوامی جنازے کا اجتماع کرنا ناممکن تھا کیونکہ خدشہ تھا کہ اسرائیل سوگواروں اور انکی تدفین کی جگہ کو نشانہ بنا سکتا ہے۔ 

واضح رہے کہ حزب اللّٰہ کے سربراہ کو اسرائیل نے 27 ستمبر کو ایک فضائی حملے میں شہید کر دیا تھا۔

بین الاقوامی خبریں سے مزید