• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
07 اکتوبر ، 2024

مشکلوں کا حل ……

خاندان کے مسائل کون حل کرے گا؟

یہ تھا اس سیمینار کا عنوان جو گزشتہ روز منعقد ہوا۔

اس کا اہتمام حسب سابق ڈوڈو نے کیا تھا۔

مسائل بہت سنگین ہیں۔

انھیں تایا ابا حل کریں گے،

شبن بھائی نے کہا۔

تایا ابا کی طبیعت اچھی نہیں رہتی۔

مسائل ماموں جان حل کریں تو بہتر ہے،

مینا بھابھی نے رائے پیش کی۔

ماموں جان مصروف رہتے ہیں۔

ہمارا مبشر مسائل حل کرے گا،

میرے لنگوٹیے عدو نے نعرہ لگایا۔

میں نے کہا،

دیکھو یارو، اصول کی بات کرو۔

مسائل انھیں کو حل کرنے پڑیں گے،

جو مسائل پیدا کرتے ہیں۔

تازہ ترین