فرمان الہی
نماز کے اوقات
پاکستان شوبز انڈسٹری کی معروف اداکارہ سارہ خان نے ڈراموں میں زیادہ تر رونے والے کردار ادا کرنے کے بارے میں بات کی۔
سارہ خان آج کل برطانیہ میں موجود ہیں اور فلسطینیوں کے لیے فنڈ ریزنگ کی متعدد تقریبات میں شرکت کر رہی ہیں۔
اُنہوں نے حال ہی میں اپنے ایک انٹرویو میں انکشاف کیا ہے کہ میں زیادہ تر روتے دھوتےکردار ادا کرتی ہوں لیکن ایسے کرداروں کی شوٹنگ کرواتے ہوئے میرے رونا بہت مشکل ہوتا ہے۔
اداکارہ نے بتایا کہ مجھے رونے کے لیے بہت محنت کرنی پڑتی ہے اور رونے والے مناظر کی شوٹنگ کے دوران ہدایت کار رونے کی اداکاری کرنے کے لیے اکثر مجھ سے کہتے ہیں کہ آپ اپنی اصل زندگی میں گزرے کسی غمگین واقعے کے بارے میں سوچیں جسے یاد کر کے آپ کو رونا آئے۔
انہوں نے مزید بتایا کہ میری اصل زندگی میں غمگین واقعات ہوئے تو ہیں لیکن اُنہیں یاد کر کے بھی مجھے رونا نہیں آتا۔
سارہ خان نے یہ بھی بتایا کہ میں ڈراموں میں رونے کے لیے ہمیشہ مصنوعی چیزوں کا استعمال کرتی ہوں کیونکہ میں وہ والی اداکارہ نہیں ہوں جو غمگین مناظر کی شوٹنگ کرواتے ہوئے آسانی سے رونے لگے۔
