بانی پی ٹی آئی کے ذاتی معالج ڈاکٹر عاصم اڈیالہ جیل پہنچے تو انہیں ملنے نہیں دیا گیا

اڈیالہ جیل راولپنڈ ی کی انتظامیہ نے بانی تحریک انصاف (پی ٹی آئی) عمران خان سے ان کے ذاتی معالج کو کیوں ملنے نہیں دیا گیا؟ وجہ سامنے آگئی۔

بانی پی ٹی آئی سے ملاقات اور اُن کا طبی معائنہ کرنے کےلیے ذاتی معالج اور شوکت خانم اسپتال کے چیف ایگزیکٹو آفیسر (سی ای او) ڈاکٹر عاصم یوسف اڈیالہ جیل پہنچے تھے۔

بانی پی ٹی آئی سے ملاقات کی اجازت نہ ملنے پر ذاتی معالج واپس روانہ

بانی پاکستان تحریک انصاف (پی ٹی آئی) کے ذاتی معالج ڈاکٹر عاصم یوسف کو ملاقات کی اجازت نہ ملنے پر واپس روانہ ہوگئے۔

ذرائع کے مطابق جیل انتظامیہ نے انہیں پروفیشنل کوائف پورنے نہ ہونے کے باعث عمران خان سے ملاقات کی اجازت نہیں دی۔

ڈاکٹر عاصم جو کافی وقت اڈیالہ جیل کے باہر موجود رہے، وہ بانی پی ٹی آئی کا میڈیکل چیک اپ کیے بغیر واپس روانہ ہوگئے تھے۔

دوسری طرف چیئرمین پی ٹی آئی بیرسٹر گوہر نےبیان دیا اور کہا کہ پمز اسپتال کے 2 ڈاکٹروں نے بانی پی ٹی آئی کا چیک اپ کیا ہے۔