• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بیان میرا نہیں کہ ویڈیو ڈیلیٹ کی گئی، وزیر تعلیم پنجاب

تازہ ترین
قومی خبریں
16 اکتوبر ، 2024


وزیر تعلیم پنجاب رانا سکندر حیات نے کہا ہے کہ احتجاج کے دوران بچوں کو سمجھانے گیا تھا، یہ بیان میرا نہیں کہ ویڈیو ڈیلیٹ کی گئی۔

ایک بیان میں رانا سکندر حیات نے کہا کہ طالب علموں کا نقطہ نظر تھا کہ ویڈیو ڈیلیٹ کی گئی جبکہ کالج انتظامیہ کا موقف ہے کہ ویڈیو ڈیلیٹ نہیں کی گئی۔

دوسری طرف لاہور میں طالبہ سے مبینہ زیادتی کی غیر مصدقہ خبر وائرل کرنے پر مقدمہ درج کرلیا گیا ہے۔

مریم نواز نے گرفتار نوجوان کی تصویر شیئر کردی

وزیراعلیٰ پنجاب مریم نواز نے گرفتار نوجوان کی تصویر شیئر کی اور کہا کہ ان عناصر نے معصوم لڑکی پر زیادتی کا جھوٹا الزام لگایا ہے۔

مقدمے کے مطابق متعلقہ لڑکی اور اس کے والدین نے زیادتی کے واقعے کی تردید کی ہے۔

والدین نے کہا کہ بیٹی 2 اکتوبر کو گھر میں گری، جس کے باعث گہری چوٹ آئی، 11 اکتوبر تک جنرل اور اتفاق اسپتال میں علاج ہوا، 15 دن کا بیڈ ریسٹ تجویز کیا گیا ہے۔

والدین نے مزید کہا کہ بیٹی چوٹ لگنے کے بعد نہ کالج گئی نہ کہیں اور، واقعے سے طلبہ اور عوام کو حکومتی اداروں کے خلاف سازش کے تحت بھڑکایا گیا ۔

پنجاب حکومت کی کمیٹی نے اسپتال میں داخل رہنے والی لڑکی اور والدین سے گھر پر ملاقات کی۔

قومی خبریں سے مزید