چیمپئنز ٹرافی کے لیے واپس پاکستان آنے کے منتظر ہیں، رچرڈ گولڈ

انگلینڈ کرکٹ بورڈ کے سی ای او رچرڈ گولڈ نے کہا ہے کہ ہم چیمپئنز ٹرافی کے لیے واپس پاکستان آنے کے منتظر ہیں۔

رچرڈ گولڈ شاہ رکن عالم کے مزار گئے، رچرڈ گولڈ کے ساتھ سی او او پی سی بی سلمان نصیر موجود تھے، اس موقع پر گفتگو کرتے ہوئے انگلینڈ کرکٹ بورڈ کے سی ای او نے کہا کہ گزشتہ دو سالوں میں یہ میرا پاکستان کا دوسرا دورہ ہے، ہمارا بہت خیال رکھا گیا، جس کا شکریہ ادا کرتے ہیں۔

دوسرا ٹیسٹ: تیسرا دن ختم، انگلینڈ کے 2 وکٹوں پر 36 رنز، پاکستان کی پوزیشن مضبوط

ملتان میں دوسرے ٹیسٹ کے تیسرے دن کا کھیل ختم ہوگیا، پاکستان کے 297 رنز کے ہدف کے تعاقب میں انگلینڈ نے 2 وکٹوں کے نقصان پر 36 رنز بنالیے ہیں۔

انگلینڈ کرکٹ بورڈ کے سی ای او رچرڈ گولڈ نے کہا کہ ہمارے کھلاڑیوں اور یہاں آئے ہوئے انگلینڈ کے کرکٹ فینز بھی بہت انجوائے کر رہے ہیں۔

انہوں نے کہا کہ ملتان کے مزار سمیت پاکستان کا دورہ کرنا اچھا تجربہ رہا۔

یاد رہے کہ انگلینڈ کرکٹ بورڈ کے چیئرمین رچرڈ تھامپسن اور سی ای او رچرڈ گولڈ ٹیسٹ میچ دیکھنے کے لیے ملتان آئے ہیں۔