آئین کی پیٹھ میں چھرا گھونپا گیا: بیرسٹر سیف

مشیرِ اطلاعات خیبر پختون خوا بیرسٹر محمد علی سیف کا کہنا ہے کہ ترامیم کا طریقہ کار بتا رہا ہے کہ آئین کی پیٹھ میں چھرا گھونپا گیا ہے۔

بیرسٹر محمد علی سیف نے اپنے بیان میں میں کہا ہے کہ پی ٹی آئی اقتدار میں آ کر متنازع غیر آئینی ترامیم کا خاتمہ کرے گی۔

ان کا کہنا ہے کہ جلد بازی میں ترامیم کا مقصد سپریم کورٹ کے فیصلے کے اطلاق سے بچنا ہے، متنازع ترامیم کے بعد پی ٹی آئی کی جدوجہد مزید تیز ہو گی۔

بیرسٹر سیف کا بانی پی ٹی آئی کو 14 دن سے قید تنہائی میں رکھے جانے کا دعویٰ

مشیر اطلاعات خیبرپختونخوا بیرسٹر محمد علی سیف نے دعویٰ کیا ہے کہ بانی چیئرمین پاکستان تحریک انصاف (پی ٹی آئی) کو 14 دن سے قید تنہائی میں رکھا جا رہا ہے۔

انہوں نے کہا کہ غیر آئینی ترامیم کے حق میں ووٹ ڈالنے والوں کو تاریخ کبھی معاف نہیں کرے گی، بانیٔ پی ٹی آئی کے ساتھ بے وفائی کا انجام پچھلے الیکشن میں سب نے دیکھا۔

مشیرِ اطلاعات  کا کہنا ہے کہ وکلاء پی ٹی آئی کے ساتھ مل کر غیر آئینی ترامیم اپنے انجام تک پہنچائیں۔