فرمان الہی
نماز کے اوقات
فریال تالپور، پاکستان پیپلز پارٹی کی وہ شخصیت ہیں جنہوں نے پارٹی کی بقا اور اتحاد کو برقرار رکھنے کیلئے گراں قدر خدمات انجام دی ہیں۔ یہ کہنا بجا ہوگا کہ انہوں نے نہ صرف پاکستان پیپلز پارٹی پارلیمنٹیرینز کو سندھ میں مستحکم کیا، بلکہ انہوں نے شہید محترمہ بینظیر بھٹو کے نظریات اور خواب کو حقیقت کا روپ دینےکیلئے دن رات محنت کی ہے۔ سیاست کے مشکل اور پیچیدہ میدان میں، جہاں بے شمار سازشیں اور چالیں کھیلی جاتی ہیں، فریال تالپور نے ثابت قدمی سے پیپلز پارٹی کے اصولوں پر قائم رہتے ہوئے پارٹی کو متحد رکھا ہے۔
ان کو ہمیشہ ایک مضبوط اور دلیر خاتون کے طور پر دیکھا گیا ہے جو تمام تر مشکلات کے باوجود پارٹی کی مضبوطی اور ترقی کیلئے کوشاں رہی ہیں۔ پیپلز پارٹی کے خلاف مختلف سازشیں اور الزامات لگائے جاتے رہے ہیںاور فریال تالپور کو بھی ان سازشوں کا سامنا رہا ہے۔ صرف اس لئے کہ وہ پیپلز پارٹی سے وابستہ ہیں اور ان کی محترمہ بینظیر بھٹو کے ساتھ گہری رفاقت رہی ہے، ان کے خلاف مختلف قسم کے پروپیگنڈے اور الزامات عائد کیے گئے۔ ان پر یہ الزامات محض سیاسی ہیں اور ان کا مقصد پیپلز پارٹی کو کمزور کرنا اور عوام کے دلوں میں پارٹی کی محبت کم کرنا ہے۔
انہوں نے نہایت حکمت عملی اور دور اندیشی سے پیپلز پارٹی کو سندھ میں مزید مضبوط بنایا ہے۔ ان کے قائدانہ کردار نے پارٹی کے کارکنان اور عوام کے دلوں میں پیپلز پارٹی کے نظریے اور مقاصد کیلئے جذبہ پیدا کیا ہے۔ انہوں نے ہر قدم پر ثابت کیا ہے کہ وہ پارٹی کے ساتھ وفادار ہیں اور شہید محترمہ بینظیر بھٹو کے خواب کو پورا کرنے کیلئے وہ کسی بھی قسم کی قربانی دینے سے نہیں ہچکچاتیں۔
یہاں یہ بات قابل ذکر ہے کہ فریال تالپور کو محض ان کی پارٹی وابستگی کی وجہ سے سازشوں اور الزامات کا نشانہ بنایا جاتا ہے۔ انہیں نشانہ بنانے کا مقصد دراصل پیپلز پارٹی کو نقصان پہنچانا اور سندھ میں اس کی جڑوں کو کمزور کرنا ہے۔ لیکن انہوں نے ہر سازش کا مقابلہ بہادری سے کیا اور اپنی ثابت قدمی سے یہ پیغام دیا کہ وہ کسی بھی دباؤ میں آ کر پیچھے ہٹنے والی نہیں ہیں۔ان کا کردار پیپلز پارٹی میں اتحاد اور تنظیم کو برقرار رکھنے کے حوالے سے انتہائی اہم رہا ہے۔ انہوں نے پارٹی کے کارکنوں اور رہنماؤں کو متحد رکھا، انہیں مشکل حالات میں حوصلہ دیا اور انہیں یاد دلایا کہ وہ شہید محترمہ بینظیر بھٹو کے مشن کو آگے بڑھانے کی ذمہ داری اٹھائے ہوئے ہیں۔ انہوں نے پیپلز پارٹی کو سندھ کی سیاست میں نہ صرف ایک مضبوط حیثیت دلوائی، بلکہ پارٹی کے نظریات کو بھی سندھ کے ہر گاؤں، ہر شہر اور ہر فرد تک پہنچایا۔
یہاں یہ کہنا بھی ضروری ہے کہ فریال تالپور کی قیادت اور انکی کاوشوں کی وجہ سے پیپلز پارٹی نے سندھ میں اپنی سیاسی جگہ کو برقرار رکھا ہے۔ انہوں نے پارٹی کو ایک ایسا مضبوط پلیٹ فارم فراہم کیا ہے جہاں سے سندھ کے عوام کی آواز کو ملک بھر میں سنا جاتا ہے۔ انہوں نے پیپلز پارٹی کے نظریات، اصولوں اور شہید بینظیر بھٹو کے خواب کو زندہ رکھا ہے اور اپنی محنت اور لگن سے پارٹی کے کارکنان میں نیا جوش اور جذبہ پیدا کیا ہے۔ان کو سیاسی میدان میں مختلف الزامات اور مقدمات کا سامنا رہا ، لیکن ان سب کے باوجود وہ پارٹی کے ساتھ کھڑی رہیں۔ انہوں نے اپنی ثابت قدمی اور عزم سے یہ پیغام دیا کہ وہ کسی بھی قسم کے دباؤ میں آ کر پارٹی کو چھوڑنے یا اپنے اصولوں سے ہٹنے والی نہیں ہیںاور ہمیشہ اپنےکردار اور خدمت کے ذریعے ثابت کیا کہ وہ ایک بے مثال لیڈر ہیں جو اپنے مقصد اور اپنے لوگوں کے ساتھ مخلص ہیں۔فریال تالپور کو سیاست میں جو مقام ملا ہے، وہ محض ان کی محنت، خلوص اور پیپلز پارٹی کے اصولوں کے ساتھ ان کی وابستگی کا نتیجہ ہے۔ ان کے کردار نے ثابت کیا ہے کہ وہ سندھ کی سیاست میں ایک مضبوط اور فیصلہ کن کردار رکھتی ہیں، اور وہ کسی بھی طرح کی سازشوں اور الزامات کے سامنے ڈگمگانے والی نہیں ہیں۔ ان کی شخصیت پیپلز پارٹی کے کارکنان کیلئے مشعل راہ ہے اور ان کا عزم اور جرات سندھ کے عوام کیلئے امید کی کرن ہے۔انہوںنے پیپلز پارٹی کی بقا، شہید محترمہ بینظیر بھٹو کے مشن اور عوامی حقوق کی جدوجہد میں جس ثابت قدمی کا مظاہرہ کیا ہے، وہ قابل تعریف ہے۔ انکی خدمات اور جدوجہد کو ہمیشہ سندھ کی سیاست میں ایک روشن باب کے طور پر یاد رکھا جائیگا۔ انکے کردار نے یہ ثابت کیا ہے کہ پیپلز پارٹی کا ہر کارکن اور رہنما پاکستان میں جمہوریت کے احیا اور نفرت کے خاتمے کیلئے ہمیشہ پیش پیش رہیگا اوراس مشن کیلئے کسی بھی قربانی سے دریغ نہیں کرے گا۔
