کراچی (اسٹاف رپورٹر) آل کراچی شہید محترمہ بے نظیر بھٹو فٹ بال ٹورنامنٹ بلوچ اسٹار شرافی نے اپنے نام کرلیا، فائنل میں عمر اسٹار کو شکست کا سامنا کرنا پڑا۔ بلوچ فائٹر فٹ بال کلب کے زیر اہتمام ذکری گوٹھ فٹ بال گرائونڈ گلستان جوہر میں کھیلے جانے والے آل کراچی شہید رانی محترمہ بے نظیر بھٹو فٹ بال ٹورنامنٹ کی تقریب تقسیم انعامات کے مہمان خصوصی وزیر اعلیٰ سندھ کے کوآرڈی نیٹر فرید انصاری نے فاتح، رنر اپ ٹیموں کو ٹرافی اور کھلاڑیوں میں انفرادی انعامات تقسیم کئے اس موقع پر آصف خان، عبدالحق بلوچ ،بادشاہ خان چانڈیو ،نسیم، طالب بلوچ، ماما غفور، لالہ فضل بلوچ، قاسم بلوچ، اظہر بلوچ، اسد بلوچ، ماما رفیق، رحیم بلوچ، راشد بلوچ، نعیم بلوچ، اورنگزیب بلوچ، ناصر بلوچ، حبیب اور دیگر موجود تھے۔ تقریب سے خطاب کرتے ہوئے فرید انصاری کا کہنا تھاکہ کھیلوں کی سرگرمیوں کا فروغ شہر میں امن کی ضمانت ہے، کھیلوں کے میدانوں کو آباد کرکے ہی اسپتالوں کو ویران اور صحت مند سرگرمیوں کو فروغ دیا جاسکتا ہے سندھ حکومت کھیلوں کے تمام شعبوں کو فروغ دینے کے لئے عملی اقدامات کررہی ہے اس حوالے سے وزایر اعلیٰ سندھ نے آئندہ مالی سال کے لئے کھیل کے بجٹ میں 100فیصد اضافہ کردیا ہے فرید انصاری نے کہاکہ بے نظیر بھٹو کے مشن کو چیئر مین بلاول بھٹو کی قیادت میں پایہ تکمیل تک پہنچایا جائے گا۔ آصف خان نے شہید رانی کے نام سے منسوب شاندار فٹ بال ٹورنامنٹ کے انعقاد پر آرگنائزنگ کمیٹی کو خراج تحسین پیش کرتے ہوئے انہیں ہر ممکن تعاون کا یقین دلایا۔
فرمان الہی
نماز کے اوقات
