فرمان الہی
نماز کے اوقات
کراچی کی رواں سال اکتوبر کی راتیں شہر کی موسمیاتی تاریخ کی گرم ترین راتیں رہیں۔
اکتوبر میں شہرِ قائد کے کم سے کم اوسط درجۂ حرارت کا 57 سال کا ریکارڈ بھی ٹوٹ گیا۔
محکمۂ موسمیات کے مطابق کراچی میں 1967ء میں کم سے کم اوسط درجۂ حرارت 30.6 ڈگری ریکارڈ ہوا تھا۔
گزشتہ ماہ شہر کا کم سے کم اوسط درجۂ حرارت 30.9 ڈگری رہا۔
محکمۂ موسمیات نے بتایا ہے کہ یہاں 57 سال بعد کم سے کم اوسط درجۂ حرارت 0.3 ڈگری زائد رہا۔
شہرِ قائد کے رات کے کم سے کم درجۂ حرارت کا 1 سال کا ریکارڈ بھی ٹوٹ گیا۔
رواں سال اکتوبر میں رات کا درجۂ حرارت 26.3 ڈگری ریکارڈ ہوا، جبکہ اکتوبر 2023ء میں رات کا کم سے کم درجۂ حرارت 25.7 ڈگری ریکارڈ ہوا تھا۔
محکمۂ موسمیات کے مطابق کراچی میں اس سال اکتوبر کا کم سے کم درجۂ حرارت 0.6 ڈگری زائد رہا۔
