فرمان الہی
نماز کے اوقات
بالی ووڈ کے بادشاہ شاہ رخ خان کو اپنی 59ویں سالگرہ پر محبت سے لبریز خصوصی پیغام مل گیا۔
24 سالہ سہانا خان نے سوشل میڈیا اپنے والد کی سالگرہ پر گرم جوشی کے ساتھ پیغام شیئر کیا، جس میں لکھا ’میں آپ سے سب سے زیادہ پیار کرتی ہوں‘۔
سہانا خان اور شاہ رخ خان سوجوئے گھوش کی فلم ’کنگ‘ میں ایک ساتھ جلوہ گر ہو رہے ہیں، کنگ خان کی صاحبزادی اس فلم کے ساتھ بڑے پردے پر ڈیبیو کرنے جارہی ہیں۔
سوشل میڈیا پر ہر طرف سے شاہ رخ خان کو ان کی سالگرہ پر محبت اور نیک خواہشات پر مبنی پیغامات مل رہے ہیں۔
ایسے میں سہانا خان نے سوشل میڈیا پر اپنے والد شاہ رخ خان کی ذاتی زندگی سے پیار بھری یادوں پر مبنی تصاویر شیئر کی ہیں، جن میں کنگ خان اپنے بچوں آریان اور سہانا کے ساتھ خوشگوار موڈ میں نظر آرہے ہیں۔
یادگار لمحات پر مبنی شاہ رخ خان اور اُس کی فیملی کی تصاویر کے کیپشن میں سہانا خان نے دل کے ایموجی کے ساتھ لکھا ’ہیپی برتھ ڈے، دنیا میں ہم آپ سے سب سے زیادہ پیار کرتے ہیں‘۔
سہانا نے اس کے ساتھ ہی شاہ رخ اور اُن سے متعلق مداح کی بنائی ہوئی ویڈیو بھی شیئر کی، جس میں کہا گیا کہ آپ کو خوبصورتی اپنے والد سے ملی ہے۔
اس سے قبل شاہ رخ خان کی دوست اور ہدایت کار فرح خان نے شاہ خان کی 52 ویں سالگرہ کی کچھ تصاویر شیئر کیں، جو کنگ خان کے علی باغ فارم ہاؤس کی ہیں، جن میں گوری خان، عالیہ بھٹ، کترینہ کیف، سدھارتھ ملہوترا اور دیگر نمایاں ہیں۔
