فرمان الہی
نماز کے اوقات
لاہور کو اسموگ کے نئے اسپیل کا خطرہ ہے، محکمہ ماحولیات نے اسموگ سے متعلق ریڈ الرٹ جاری کردیا۔
محکمہ ماحولیات کا کہنا ہے کہ شہریوں کو چاہیے کہ اگر ضروری کام سے باہر نکلنا پڑے تو ماسک لازمی استعمال کریں۔
محکمہ ماحولیات کے مطابق آئندہ 24 گھنٹوں میں بھارتی ہواؤں کا رخ پاکستان کی طرف ہوگا، ان ہواؤں کی رفتار 4 سے 8 کلومیٹر فی گھنٹہ ہوگی۔
لاہور کا ایئر کوالٹی انڈیکس ایک بار پھر شدید متاثر ہونے جارہا ہے، محکمہ ماحولیات نے شہریوں سے گزارش کی ہے کہ غیر ضروری ہرگز باہر نہ نکلیں۔
دوسری جانب پنجاب کے سیکریٹری تحفظ ماحول راجہ جہانگیر انور نے ہدایت کی ہے کہ گرین لاک ڈاؤن والے علاقے میں دھول اڑائے بغیر صفائی کی جائے اور سڑکوں پر صاف پانی کا چھڑکاؤ کیا جائے۔
انہوں نے بتایا کہ کنسٹریکشن ورک پر مکمل پابندی عائد ہے، اس حوالے سے زیروٹالرنس ہے۔
