فرمان الہی
نماز کے اوقات
کراچی کے علاقے فیڈرل بی ایریا بلاک 20 انچولی میں موٹر سائیکل سوار 3 ملزمان نے فائرنگ کر کے ایک شہری کو قتل جبکہ دوسرے کو زخمی کردیا۔
پولیس کا کہنا کہ مقتول کو ٹارگٹ کر کے قتل کیا گیا، 3 مشتبہ افراد کو حراست میں لے کر تفتیش شروع کر دی ہے۔
پولیس کے مطابق انچولی میں حیدر رضا نامی شہری موٹر سائیکل پر جا رہا تھا کہ اسے گھر کے قریب گلی میں موٹر سائیکل سوار 3 ملزمان نے روکا اور اس پر اندھا دھند فائرنگ کر دی۔
پولیس کے مطابق فائرنگ کے نتیجے میں حیدر رضا اور اور ایک راہ گیر زخمی ہو گیا جنہیں اسپتال منتقل کیا جا رہا تھا کہ حیدر رضا پہلے ہی دم توڑ چکا تھا۔
پولیس کا کہنا ہے کہ مقتول کو ٹارگٹ کر کے قتل کیا گیا ہے، قریب ہی دکان میں کام کرنے والے واقعے کے عینی شاہد نے بتایا ہے کہ ملزمان حیدر رضا کو گولیاں مار کر فرار ہوئے تو ایک کار سوار شہری نے ان کی موٹر سائیکل کو ٹکر مار کر ٹارگٹ کلروں کو گرا دیا اور وہاں سے گزرنے والے شاہین فورس کے اہلکاروں کے ہاتھوں ملزمان کو پکڑوا دیا۔
پولیس نے 3 مشتبہ افراد کو حراست میں لینے کی تصدیق کرتے ہوئے کہا ہے کہ ابھی یہ کہنا قبل از وقت ہے کہ زیرِ حراست تینوں افراد نے یہ قتل کیا ہے۔
پولیس نے جائے وقوع سے گولیوں کے خول برآمد کر لیے اور سی سی ٹی وی فوٹیج بھی تلاش کی جا رہی ہے۔
