• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت اور ادارے بچے کی بازیابی کیلئے سنجیدہ کوششیں کر رہے ہیں، زرک مندوخیل

میرا شہر
کوئٹہ
19 نومبر ، 2024
کوئٹہ(این این آئی) پاکستان مسلم لیگ(ن) کے رہنما رکن صوبائی اسمبلی زرک خان مندوخیل نے کہا ہے کہ بلوچستان حکومت اور تمام سیکورٹی ادارے مغوی مصور خان کی بازیابی کے لئے سنجیدہ کوششیں کر رہے ہیں، مصور خان کے اہلخانہ انتہائی دکھ اور کرب میں مبتلا ہیں سیاسی لوگ ان کی دلجوئی کریں نہ کے اپنی سیاست کو چمکائیں ۔ یہ بات انہوں نے گزشتہ روز کوئٹہ کے اتحاد چوک پر دھرنے کے شرکاء سے خطاب کرتے ہوئے کہی ۔ رکن بلوچستان اسمبلی زرک خان مندوخیل نے کہا کہ مصور خان اور ان کے خاندان پر ہر روز قیامت ڈھا رہا ہے مگر کچھ سیاسی جماعتوں کے لوگ ان کے اہلخانہ کے دھرنے میں شرکت کے اسے سیاسی جلسہ بنا دیا ہے سیا سی جماعتوں کو ایسا کرنے سے گریز کرنا چاہیے ۔ انہوں نے کہا کہ ریاست اور ریاستی اداروں پر بعض لوگوں کی الزام تراشی بے بنیاد ہے یہ وہی لوگ ہیں جو بعد میں انہی کے دفاترمیں بیٹھے ہوتے ہیں ۔انہوں نے کہا کہ ایک دوسرے پر الزام تراشی کے بجائے ہمیں چاہیے کہ سب ملکر مصور خان کی بازیابی کے لئے مشترکہ کوشش کریں اور حکومت کا ساتھ دیں ۔
کوئٹہ سے مزید