• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جیالے پیپلز پارٹی کی صوبائی حکومت سے مایوس ہو رہے ہیں ‘ لالہ یوسف خلجی

میرا شہر
کوئٹہ
18 نومبر ، 2024
کوئٹہ(پ ر)بلوچستان امن جرگہ کے سربراہ لالہ یوسف خلجی نے کہا ہے کہ بلوچستان میں پیپلز پارٹی کی حکومت ہونے کے باوجود پارٹی کارکن مایوس ہورہے ہیں ، صدر مملکت آصف علی زرداری اور چیئرمین بلاول بھٹو زرداری اس کا نوٹس لیکر کارکنوں کے مسائل کے حل کیلئے اقدامات اٹھائیں ۔ ایک بیان میں لالہ یوسف خلجی نے کہا ہے کہ عام انتخابات میں کارکنوں کی بدولت بلوچستان میں پیپلز پارٹی ایک بڑی پارلیمانی جماعت بن کر سامنے آئی اور صوبے میں مخلوط صوبائی حکومت قائم ہوئی جس سے کارکنوں میں امید پیدا ہوئی کہ پارٹی کے جیالے ورکروں کے جائز کام ہون گے لیکن افسوس کے ساتھ کہنا پڑتا ہے حکومت کو قائم ہوئے 8 ماہ سے زائد کا عرصہ گزرنے کے باوجود جیالے جائز کاموں کیلئے دربدر کی ٹھوکریں کھانے پر مجبور ہیں ۔ انہوں نے کہا کہ بلوچستان میں پارٹی کی حکومت ہونے کے باوجود کام نہ ہونے سے کارکنوں میں مایوسی بڑھ رہی ہے ۔
کوئٹہ سے مزید