فرمان الہی
نماز کے اوقات
آرمی چیف جنرل سید عاصم منیر نے بین الاقوامی دفاعی نمائش آئیڈیاز کا دورہ کیا۔ آرمی چیف نے دوست ممالک کے دفاعی مینوفیکچررز کی شرکت کو سراہا۔
پاک فوج کے شعبہ تعلقات عامہ آئی ایس پی آر کے مطابق آرمی چیف نے ملکی و بین الاقوامی نمائش کنندگان کے ہتھیاروں اور آلات کا مشاہدہ کیا۔
آئی ایس پی آر کے مطابق نمائش میں 557 نمائش کنندگان شرکت کر رہے ہیں، جن میں 333 بین الاقوامی اور 224 ملکی نمائش کنندگان شامل ہیں۔
آئی ایس پی آر کے مطابق 36 ممالک کے نمائش کنندگان نے اسٹال لگائے،17 ممالک پہلی بار شرکت کر رہے ہیں۔
پاک فوج کے شعبہ تعلقات عامہ کے مطابق تقریب میں 53 ممالک کے 300 سے زائد غیرملکی مندوبین شریک ہیں، جنہوں نے پاکستان کی دفاعی صنعت پر مکمل اعتماد کا اظہار کیا۔
آرمی چیف نے تقریب میں موجود غیرملکی فوجی حکام اور دفاعی مندوبین سے گفتگو بھی کی۔
آئی ایس پی آر کے مطابق آئیڈیاز 2024، 22 نومبر 2024 تک جاری رہے گی۔
اس سے قبل آرمی چیف کی کراچی آمد پر کورکمانڈر لیفٹیننٹ جنرل بابر افتخار نے انکا پرتپاک استقبال کیا۔
نمائش میں گلوبل انڈسٹریل ڈیفنس سلوشنز پاکستان کی جانب سے تیار کردہ جدید ترین یو اے وی شہپر تھری (Shahpar-III) کا افتتاح بھی کیا گیا۔
آئی ایس پی آر کے مطابق شہپر تھری میزائل اور تارپیڈو سمیت وسیع پیمانے پر گولہ بارود لے جانے کی صلاحیت رکھتا ہے، نمائش میں بغیر پائلٹ طیارہ شہپر 3 توجہ کا مرکز رہا۔ شہپر تھری 35 ہزار فٹ کی بلندی پر 24 گھنٹے سے زائد پرواز کر سکتا ہے۔
