• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسلح افراد کی گاڑی پر فائرنگ، شہری معجزانہ طور پر محفوظ، ڈکیتی کی متعدد وارداتیں

میرا شہر
ملتان
23 نومبر ، 2024
ملتان( سٹاف رپورٹر ) ڈاکوؤں کی شہری پر فائرنگ، معجزانہ طور پر محفوظ، ڈکیتی و چوری کی مختلف وارداتوں میں شہری نقدی سمیت دیگر قیمتی سامان سے محروم ہوگئے، باوثوق ذرائع سے معلوم ہوا کہ تھانہ بستی ملوک کے علاقے رانگڑھ پل پر دومسلح ملزمان نے نجی ہسپتال سے گھر جاتے ہوئے سانول شاہ کو روکنے کی کوشش کی اور نہ رکنے پر فرنٹ سکرین پر پسٹل کا بٹ مارکر شیشہ کریک کردیا، کار بھگانے پر پیچھے سے فائرنگ کرتے ملزمان فرار ہوگئے، شہری معجزانہ طور پر ملزمان کی فائرنگ سے بچ گیا، تھانہ چہلیک کے علاقے سول ہسپتال کے قریب موسیٰ سے دو ڈاکو  50ہزار سمیت تین موبائلزفونزو چاندی کی چین لوٹ کر فرار ہوگئے، اسی تھانہ کی حدود سے مسلح ملزمان نے محمد اختر سے 25ہزار اور اس کے دوست کاشف سے 15ہزار چھین لیے، تھانہ گلگشت کے علاقے میں عارف محمود سے  ڈاکو موٹرسائیکل چھین کر فرار، تھانہ صدر کے علاقے 30فٹی میں خان نامی شخص سے دو ملزمان نقدی اور دوموبائل فونز لے گئے ،تھانہ شاہ شمس کے علاقے میں محمد سرمد سے دوملزمان سات ہزار و تین موبائلزفونز لوٹ کر فرار ہوگئے، تھانہ مظفرآباد کے علاقے لابر موڑ شہزاد کان سے مسلح ملزمان 10ہزار وموبائل لے گئے،ڈسپوزل مظفرآباد کے پاس کاشف سے ڈاکو گن پوائنٹ پر نقدی30ہزار و موٹرسائیکل ،موبائل چھین لیا ،تھانہ سیتل ماڑی کے علاقے متی تل روڑ قاری صابر سے تین ڈاکو 10ہزار لوٹ کر فرار،پانچ مرلہ سکیم ظفر نواز اور اس کی اہلیہ سے ڈاکو کان کی بالیاں ،موٹرسائیکل ودوموبائل لوٹ کر فرار ہوگئے جب کہ تھانہ مخدوم رشید کے علاقے 18پل دنیا پور روڑ ریاض احمد سے دو ڈاکو 30ہزار لے گئے، تھانہ نیوملتان کے علاقےمیں فہد طارق سے نامعلوم ملزمان نقدی و موبائل لے گئے ،تھانہ بوہڑ گیٹ اور گلگشت کے علاقے میں موٹرسائیکل سوار ملزمان جھپٹا مارکر فیاض احمد اور راشدسے موبائلزفونزچھین کر فرار ہو گئے،تھانہ بی زیڈ کے علاقے میں زبیر سے چار ڈاکو اسلحہ کے زور پر 2لاکھ64ہزار اورطلائی انگوٹھی لوٹ کر لے گئے ،تھانہ کوتوالی کے علاقے میں عبدالرحمان سےتین مسلح ملزمان موٹرسائیکل و موبائل فون لے گئے ،تھانہ قادرپورراں کے علاقے میں اسلم سے چار ڈاکو 80ہزار و ڈیڑھ تولہ سونا لوٹ کر فرار ہوگئے ،تھانہ مخدوم رشید کے علاقے مختیارا حمد سے ڈاکو 40ہزار لے گئے جب کہ فیاض احمد ،ریاض احمد ، فراست علی ، نزیر احمد ، گہنہ خان ، نعیم ، کالو ، علی نواز ، ثمر عباس ،محمد نعیم ، عثمان عارف ،محمد آصغر ،بابر علی اور محمد اخلاق کی نقدی ،موٹرسائیکلیں ،موبائلزفونز سمیت دیگر قیمتی سامان چوری ہوگئے ،پولیس نے نامعلوم ملزمان کیخلاف مقدمات درج کرکے کارروائی شروع کردی ۔
ملتان سے مزید