فرمان الہی
نماز کے اوقات
اسلام آباد اور راولپنڈی میں موبائل سروس مکمل طور پر بحال ہے، تاہم دونوں شہروں میں موبائل فون پر ڈیٹا سروس بند کر دی گئی ہے۔
وفاقی دارالحکومت اسلام آباد اور جڑواں شہر راولپنڈی میں انٹرنیٹ سروس بھی جزوی طور پر متاثر ہے۔
اس کے علاوہ ملک بھر میں موبائل فون سروس تو بحال ہے لیکن کہیں کہیں موبائل فون سروس پر ڈیٹا سروس بند کر دی گئی ہے۔
راجن پور شہر اور گردونواح میں انٹرنیٹ سروس متاثر ہے جبہ بنوں شہر بھر میں انٹرنیٹ سروس معطل ہے جس وجہ سے شہریوں کو مشکلات کا سامنا ہے۔
فیصل آباد، جہانیاں، وہاڑی میں بھی انٹرنیٹ سروس متاثر ہے۔
لاہور کے داخلی اور خارجی راستوں کے اطراف موبائل سروس جزوی معطل ہے، کچھ علاقوں میں موبائل فون پر ڈیٹا سروس متاثر ہے، جس کی وجہ سے واٹس ایپ سروس بھی متاثر ہے۔
شہریوں کو کراچی کے بعض علاقوں میں موبائل فون اور انٹرنیٹ سروس کے استعمال میں مشکلات کا سامنا ہے۔
شہر میں موبائل فون پر انٹرنیٹ کی سروس انتہائی سست ہے، موبائل فون انٹرنیٹ پر شہریوں کو ویڈیو اور آڈیو پیغام کی رسائی میں مشکلات ہیں۔
پشاور میں موبائل فون سروس مکمل طور پر بحال ہے لیکن بعض علاقوں میں انٹرنیٹ سروس جزوی طور پر متاثر ہے۔
