صوابی ( نمائندہ جنگ ) علاقہ تھانہ کالو خان کی حدود میں ٹیکسی ڈرائیور کے اندھے قتل کا ڈراپ سین ہو گیا۔ پولیس نے ملزمان گرفتار کر کے چھینی ہوئی گاڑی برآمد کرلی ۔ڈی پی او صوابی جاوید اقبال خان نے پریس کانفرنس میں بتایا کہ آٹھ جولائی کو نامعلوم ملزمان نے مقتول طاہرسعید کو بکنگ کے بہانے صوابی لاکر قتل کیا اور کار چھین کر لے گئے تھے واقعہ کی رپورٹ تھانہ کالو خان میں درج کی گئی تھی جس پر خصوصی ٹیم تشکیل دے کر کیس کو جلد از جلد ٹریس کرنے کی ہدایت کی گئی ،پولیس نے لاوارث نعش کی تصاویر سوشل میڈیاپر شائع کیں جس کی تصدیق طاہر سعید ولد میاں گل سعید سکنہ شیخانوں کلے تخت بھائی کے نام سے ہوئی ،ورثاء سے مقتول کے موبائل نمبرحاصل کئے جس پر پولیس نے جدید ٹیکنیکل انداز سے کام کرتے ہوئے ملزمان زوار علی ولد شیر علی سکنہ اعظم خان کورونہ مردان ،اختر علی ولد امان اللہ سکنہ تمبولک مردان ،عمیر ولد نثار سکنہ کوہی حسن خیل درہ قتل میں ملوث پائے گئے ،پولیس نے ملزم اختر علی کو ایف آرپشاور سے گرفتار کیا جس سے پوچھ گچھ کے دوران دیگر واردات کی تصدیق کرکے اس کی نشاندہی پر ملزم زوار علی کو چھینی ہوئی کار اور آلہ قتل پستول 30بور سمیت گرفتار کیا گیا ،جبکہ ملزم عمیر کی تلاش جاری ہے ۔ صوابی،قتل ڈراپ سین
فرمان الہی
نماز کے اوقات
