فرمان الہی
نماز کے اوقات
ٹنڈو جام میں شادی کی تقریب میں ہونیوالی فائرنگ سے رقاصہ ہلاک ہوگئی۔ پولیس نے واقعہ سے اظہار لاعلمی کیا جبکہ جیو نیوز کی ٹیم لڑکی کے گھر پہنچ گئی۔
ٹنڈو جام کے ایک علاقے میں منعقدہ شادی کی تقریب میں ہونیوالی فائرنگ سے رقاصہ کے ہلاک ہونے کی خبر سوشل میڈیا پلیٹ فارم پر آنے کے بعد جیو نیوز کی ٹیم علاقے سرے گھاٹ میں لڑکی کے گھر پہنچ گئی۔
لڑکی کے والد ارشد نے بتایا کہ اس کی 29 سالہ بیٹی جس کا نام مہندی تھا، ایک آرٹسٹ تھی، جو جمعرات اور جمعہ کی درمیانی شب ایک تقریب میں گئی تھی جہاں اسے گولی لگی اور وہ انتقال کر گئی۔
انکا کہنا تھا کہ مہندی شادی شدہ اور ایک بچی کی ماں ہونے کے ساتھ گھر کی کفیل بھی تھی۔
مرحومہ کے والد نے بیٹی کی ہلاکت پر انصاف کی فراہمی کا مطالبہ بھی کردیا۔
مہندی کے ساتھ تقریب میں اس وقت موجود اس کی چچی انا نے جیو نیوز سے گفتگو کرتے ہوئے کہا کہ فائرنگ کس نے کی اور شادی کی تقریب کس کی تھی؟ اسکا علم نہیں، ہمیں ایک بندے نے بلایا تھا۔
واقعہ پر جیو نیوز نے ایس ایچ او ٹنڈوجام اسلم بلو سے رابطہ کیا تو ان کا کہنا تھا کہ انہیں بھی سوشل میڈیا سے واقعہ کا علم ہوا، لڑکی کے گھر والوں کو ٹریس کرنے کی کوشش کر رہے ہیں۔
