فرمان الہی
نماز کے اوقات
اپوزیشن لیڈر اور پی ٹی آئی رہنما عمرایوب نے کہا ہے کہ اگر حکومت نے مطالبات نہ مانے تو بانی پی ٹی آئی کی ہدایت کے مطابق سول نافرمانی شروع کردیں گے۔
محمود خان اچکزئی سے ملاقات کے بعد گفتگو میں عمر ایوب نے کہا کہ بانی پی ٹی آئی نے ملک میں اور بیرون ملک سول نافرمانی تحریک کی ہدایات دی ہوئی ہیں۔
اپوزیشن لیڈر نے کہا ہے کہ مذاکراتی کمیٹی میں مزید 2 اراکین کا اضافہ کیا ہے، محمود خان اچکزئی کے ساتھ مشاورت ہو گی، وہ مشاورتی عمل کا حصہ ہیں۔ ابھی تک حکومت سے کسی قسم کے مذکرات نہیں ہوئے۔
اپوزیشن لیڈر نے کہا کہ بانی پی ٹی آئی کی جانب سے مذاکراتی کمیٹی میں مزید 2 اراکین کا اضافہ کیا ہے، سربراہ ایم ڈبلیو ایم علامہ ناصر عباس اور سینیٹر حامد خان مذاکراتی کمیٹی کا حصہ ہوں گے۔
عمر ایوب کا مزید کہنا تھا کہ 5 دسمبر کو بانی پی ٹی آئی سے ملاقات ہوئی اور مذاکراتی کمیٹی بنی۔ انہوں نے مذکرات کے لئے کمیٹی بنانے کا کہا تھا۔
