فرمان الہی
نماز کے اوقات
محکمہ داخلہ سندھ نے وفاقی حکومت سے ہیلی کاپٹر طلب کرنے کےلیے خط لکھ دیا ہے۔
محکمہ داخلہ سندھ نے خط میں وفاقی وزارت داخلہ سے کہا کہ گڑھی خدا بخش میں فضائی نگرانی کےلیے ہیلی کاپٹر دیا جائے۔
خط میں مزید کہا گیا کہ انسپکٹر جنرل (آئی جی) سندھ پولیس نے فضائی نگرانی کےلیے ہیلی کاپٹر مانگا تھا، درخواست کو ترجیح دے کر ہیلی کاپٹر فراہم کیا جائے۔
محکمہ داخلہ سندھ کے مطابق بینظیر بھٹو شہید کی برسی میں صدر مملکت آصف علی زرداری، چیئرمین پی پی بلاول بھٹو زرداری، وزیراعلیٰ سندھ سید مراد علی شاہ شریک ہوں گے۔
خط میں موقف اختیار کیا گیا کہ ان شخصیات کی سیکیورٹی کےلیے فضائی نگرانی ضروری ہے۔ برسی پر ہیلی کاپٹر فراہم کیا جائے تاکہ حفاظتی انتظامات کو یقینی بنایا جاسکے۔
محکمہ داخلہ سندھ نے خط میں یہ بھی کہا کہ وفاقی حکومت اس درخواست کو ترجیح دے کر ہیلی کاپٹر کی فراہمی کو یقینی بنائے۔
