فرمان الہی
نماز کے اوقات
انسٹیٹوٹ آف بزنس ایڈمنسٹریشن (آئی بی اے) یونیورسٹی سکھر کے اسسٹنٹ کنٹرولر امتحانات اشتیاق میمن کی گھر سے لاش ملی ہے۔
پولیس کا کہنا ہے کہ اشیاق میمن کی 2 بہنیں بھی گھر میں بےہوشی کی حالت میں ملی ہیں، جنہیں اسپتال منتقل کردیا گیا۔
سینئر سپرنٹنڈنٹ آف پولیس (ایس ایس پی) کا کہنا ہے کہ معاملے کی تفتیش کی جا رہی ہے، پوسٹ مارٹم رپورٹ آنے کے بعد صورتحال واضح ہوسکے گی۔
پولیس نے بتایا ہے کہ اشتیاق میمن کے رشتے داروں نے فون اٹینڈ نہ ہونے پر انکے گھر کا دروازہ توڑا اور دیکھا تو اشتیاق میمن کی لاش ملی۔
آئی بی اے سکھر یونیورسٹی کے وائس چانسلر آصف شیخ نے جیو نیوز سے ٹیلیفونک گفتگو کرتے ہوئے کہا کہ اشتیاق میمن یونیورسٹی امتحانات کے معاملات کو دیکھتے تھے، اشتیاق میمن کا حالیہ ایم ڈی کیٹ سے کوئی تعلق نہیں تھا۔
وی سی آصف شیخ نے کہا کہ ہوسکتا ہے اشتیاق میمن حالیہ ایم ڈی کیٹ میں صرف انویجیلیٹر رہے ہوں۔
