لاہور(کرائم رپورٹر سے)ڈا ئر یکٹر جنر ل پا کستا ن رینجر ز(پنجا ب) میجر جنر ل عمر فاروق برکی نے ڈیزرٹ رینجرز بہاولپور اور چولستان رینجرز رحیم یار خاں میں اگلے مورچوں کا دورہ کیااور جوا نو ں سے ملاقات کی۔ وہ سیکٹرہیڈ کوا رٹرڈیزرٹ رینجر زپہنچے تو سیکٹر کمانڈر بریگیڈئر ارشد محموداور چولستان سیکٹر میں کرنل حبیب اللہ نے ان کا استقبال کیا۔ بعد ازاں وہ اگلے مورچوں پر تعینات رینجرز جوانوں سے ملے اور ان کی اعلیٰ پیشہ و را نہ کا رکر دگی اور بلند حوصلہ و عزم کو سراہا۔انھوںنے کہاکہ رینجرز کی تاریخ اعلیٰ پیشہ ورانہ مہارت اور بہادری کے کارناموں سے بھری پڑی ہے۔ ملکی موجودہ صورت حال اور درپیش چیلنجز کے پیش نظر پنجاب رینجرز کے بہادر جوان ملک کے مختلف حصوں میںبحالی امن کے حوالے سے اپنی خدمات سر انجام دے رہے ہیں ۔پنجاب رینجرز اپنے مقدس فرائض کی ادائیگی میں کسی بھی قربانی سے دریغ نہیں کرے گی۔اس دوران ڈائریکٹر جنرل نے شجر کاری مہم کا افتتاح کرتے ہوئے اس جگہ ایک پودا بھی لگایا ۔
فرمان الہی
نماز کے اوقات
