فرمان الہی
نماز کے اوقات
بھارتی فلم اسٹار راجپال یادیو نے کہا ہے کہ میں نے بھول بھلیاں 3 کے سیٹ پر ہی کہہ دیا تھا کہ اس سلسلے کی 3 فلمز لگ چکی ہیں، 13 مزید آئیں گی۔
فلم بے بی جان میں ایک پولیس اہلکار کے کردار میں نظر آنے والے راج پال یادیو نے بھارتی میڈیا کو دیے گئے انٹرویو میں بتایا کہ بے بی جان میں کردار کی مناسبت سے میں نے خود کو ایکشن سینز کے لیے خاص طور پر تیار کیا تھا۔
بھول بھلیاں کے حوالے سے بات کرتے ہوئے راجپال کہنا تھا کہ میں نے اس سلسلے کی تیسری فلم کے دوران ہی کہہ دیا تھا کہ یہ فلم کی تیسری فلم ہے اور اس کامیاب فلم کے 13 اور سیکوئل ضرور بنیں گے۔
فلم بھول بھلیاں کے پہلے اور تیسرے سیکوئل میں مرکزی کردار ادا کرنے والی ودھیا بالن کے حوالے سے راجپال یادیو کا کہنا تھا وہ بہت شاندار کو اسٹار ہیں۔
بھول بھلیاں میں چھوٹے پنڈت کے مزاحیہ کردار میں نظر آنے والے راجپال یادیو نے فلم میں بالی وڈ کوئن مادھوری ڈکشٹ کے حوالے سے گفتگو کرتے ہوئے بتایا کہ جب میں نے انڈسٹری میں قدم رکھا تھا اس وقت میں نے مادھوری کے ساتھ بہت کم فلموں میں کام کیا تھا لیکن اب تیسرے سیکوئل میں اُ ن کے ساتھ کام کر کے بہت مزہ آیا۔
