پرتگال کے انٹونیو گوٹیرس کے اقوام متحدہ کا نیا سیکرٹری جنرل بننے کے امکانات بڑھ گئے ہیں۔
سفارتی ذرائع کے مطابق بان کی مون کے جانشین سے متعلق سلامتی کونسل میں کرائی جانے والے پہلی رائے شماری میں گوٹیرس کو اپنے 11دیگر حریفوں پر برتری حاصل تھی۔ دوسرے نمبر پر سلووینیاکے سابق صدر دانیلو ترک رہے۔
گوٹیرس مہاجرین سے متعلق اقوام متحدہ کے ادارے کے سربراہ بھی رہ چکے ہیں۔
رواں برس اکتوبر تک سلامتی کونسل کو اس عالمی ادارے کے نئے سربراہ کا انتخاب کرنا ہے۔ بان کی مون کے عہدے کی مدت دسمبر میں ختم ہو جائے گی۔