فرمان الہی
نماز کے اوقات
ہیوسٹن کراچی سسٹر سٹی کے صدر اور ہیوسٹن میں پاکستانی کمیونٹی کے رہنما سعید شیخ نے ڈونلڈ جے ٹرمپ کو امریکا کے صدر کی حیثیت سے حلف برداری پر مبارک باد پیش کی ہے۔
سعید شیخ نے امید ظاہر کی ہے کہ ڈونلڈ ٹرمپ پاکستان اور امریکا کے تعلقات کی مضبوطی کے لیے اہم کردار ادا کریں گے اور غزہ سمیت دنیا بھر میں امن کی کوششوں میں اپنا کردار ادا کریں گے۔
انہوں نے ٹرمپ کی قیادت پر بھرپور اعتماد کا اظہار کرتے ہوئے کہا ہے کہ ان کی مدتِ صدارت میں دنیا میں زیادہ امن اور اتحاد قائم ہو گا،جبکہ امریکا بھی معاشی طور ترقی کرے گا۔
سعید شیخ نے پاک امریکا تعلقات کی اہمیت پر بھی زور دیا ہے اور امید ظاہر کی ہے کہ ٹرمپ انتظامیہ کے تحت یہ تعلقات مزید مضبوط اور مستحکم ہوں گے۔
سعید شیخ نے امید ظاہر کرتے ہوئے یہ بھی کہا ہے کہ ان کی پالیسیاں دونوں ممالک کے درمیان تعلقات کو مضبوط بنانے اور باہمی خوش حالی کو فروغ دینے میں اہم کردار ادا کریں گی۔
