فرمان الہی
نماز کے اوقات
کوئٹہ میں امریکا سے واپس آئی 13 سال کی لڑکی کے قتل کا معمہ حل ہو گیا۔
کوئٹہ کے علاقے بلوچی اسٹریٹ میں 13 سال کی لڑکی کے قتل کے کیس میں والد اور ماموں کو گرفتار کر لیا گیا۔
اس حوالے سے پولیس کا کہنا ہے کہ والد نے سالے کے ساتھ مل کر بیٹی کو فائرنگ کر کے قتل کرنے کا اعتراف کر لیا۔
پولیس نے بتایا ہے کہ لڑکی کے قتل کا کیس سیریئس کرائم انویسٹی گیشن ونگ منتقل کر دیا گیا ہے۔
دورانِ تفتیش ملزم نے بتایا کہ بیٹی کے ویڈیوز بنانے پر اعتراض تھا۔
ملزمان نے پہلے دعویٰ کیا تھا کہ گھر کے باہر نامعلوم افراد کی فائرنگ سے بیٹی شدید زخمی ہوئی تھی، اسے ہمسائیوں کی مدد سے اسپتال پہنچایا گیا جہاں دورانِ علاج وہ دم توڑ گئی۔
مقتولہ کے والد نے بتایا تھا کہ وہ 28 سال سے امریکا میں تھا، 15 جنوری کو بچوں کے ہمراہ پاکستان واپس آیا تھا، 13 سال کی حرا امریکی شہری ہے۔
