فرمان الہی
نماز کے اوقات
کراچی کے شہیدِ ملت روڈ پر واقع ہل پارک ٹریڈ سینٹر کو سندھ بلڈنگ کنٹرول آتھارٹی نے سربمہر کر دیا۔
حکّام کے مطابق اس عمارت کے قانونی ٹائٹل کے تنازع پر موصول ہونے والی شکایات کے پیشِ نظر اسے سربمہر کیا گیا۔
حکّام نے بتایا کہ عمارت کی زمین کے اصل مالکان کی شکایت پر سندھ بلڈنگ کنٹرول اتھارٹی نے کارروائی کرتے ہوئے عمارت کو فوری طور پر سیل کر دیا ہے۔
سندھ بلڈنگ کنٹرول اتھارٹی کی جانب سے جاری کردہ نوٹیفکیشن کے مطابق سیل شدہ عمارت کو کھولنا غیر قانونی تصور کیا جائے گا اور اس خلاف ورزی کی صورت میں ملوث افراد کے خلاف قانونی کارروائی کی جائے گی۔
نوٹیفکیشن میں یہ بھی لکھا ہے کہ عمارت کی اراضی کی ملکیت کے حوالے سے مزید تحقیقات کا آغاز کر دیا گیا ہے۔
