فرمان الہی
نماز کے اوقات
کراچی(اسٹاف رپورٹر) بلال کالونی پولیس اور سی پی ایل سی نے مشترکہ کارروائی کرتے ہوئے مبینہ طور پر بھتہ خوری کی سنگیں وارداتوں میں ملوث دو ملزمان توصیف انعام اور عمرذکی کو گرفتار کرلیا ،پولیس کے مطابق ملزمان نے بلال کالونی کی حدود سیکٹر 5E میں واقع نجی اسپتال کے مالک سے 8 لاکھ روپے بھتے کا مطالبہ کیا تھا، ملزمان نے ڈاکٹر عقیل کو بھتہ کی پرچی کے ساتھ 9mm کی گولی لفافے میں ڈال کر دی اور بھتہ نہ دینے پر جان سے مارنے کی دھمکی کا پیغام دیا تھا ، بھتہ کی طلبی میں ڈاکٹر عقیل کا اپنا کمپاونڈر عمر بھی ملوث ہے، 4لاکھ کمپاونڈر عمر نے بھی وصول کرنے تھے،علاوہ ازیں اورنگی ٹاؤن سیکٹر ساڑھے 11 میں اقبال مارکیٹ اسٹار گراؤنڈ کے قریب مبینہ پولیس مقابلے میں فہیم کبیر زخمی ہوگیا جسے گرفتار کرکے ایک پستول اور موٹر سائیکل برآمد کرلی گئی،سرجانی ٹائون پولیس نے بہرام گوٹھ میں مبینہ مقابلے کے بعد 2 ملزمان سہیل ارشد اور سجاد اسلم کو زخمی حالت میں گرفتار کرکے غیر قانونی اسلحہ ، موبائل فونز اور نقدی برآمد کرلی ،ایس آئی یونے کھوکھرا پار میں چھاپہ مارکر مبینہ طور پر اسٹریٹ کرائم کی وارداتوں میں ملوث محمد صدیق کو گرفتار کر کے 30 بور پستول برآمد کرلیا۔
