فرمان الہی
نماز کے اوقات
بالی ووڈ کے معروف اداکار سیف علی خان جنوری کے وسط میں اپنے گھر پر ڈکیتی کی کوشش کے دوران ہونے والے چاقو حملے میں زخمی ہونے اور بعدازاں صحتیابی کے بعد آج پہلی بار ممبئی میں منعقدہ نیٹ فلیکس کی ایک تقریب میں منظر عام پر آئے۔
اس موقع پر انکا کہنا تھا کہ یہاں کھڑے ہوکر انھیں بہت اچھا لگ رہا ہے۔
یاد رہے کہ اس سال کےلیے او ٹی ٹی پلیٹ فارم نے جس ایک فلم کا اعلان کیا وہ جیول تھیف، دی ہیسٹ بیگین ہے، جس میں مرکزی کردار سیف علی خان اور جے دیپ اہلاوت نے ادا کیا ہے۔
تقریب میں دوران گفتگو سیف علی خان نے کہا انھیں اپنے اوپر ہونے والے حملے کے بعد یہاں آکر آپکے سامنے کھڑے ہوکر بہت خوشی ہو رہی ہے۔
انھوں نے کہا کہ وہ اس فلم کے حوالے سے کافی پرجوش ہیں۔ سیف نے کہا کہ سدھارتھ آنند (فلم کے ہدایتکار) اور وہ اس پر کافی عرصے سے بات کر رہے تھے۔ میں ہمیشہ ڈکیتی پر مبنی فلم کرنا چاہتا تھا اور میں اسکے لیے جے دیپ کو بہتر ساتھی اداکار سمجھتا ہوں، یہ بہت اچھی مووی ہے۔
