بہاولپور(سٹی رپورٹر) اووربلنگ اور کیمرہ میٹر ریڈنگ مبینہ طور پردرست نہ ہونے پر ایکسیئن واپڈا اور 2ایس ڈی او معطل۔ ذرائع کے مطابق وزارت پانی وبجلی کی جانب سے کیمرہ میٹرریڈنگ مبینہ طورپر درست نہ ہونے پر ایکشن لیتے ہوئے کئی اضلاع کے واپڈافسران کو معطل کردیا گیا ہے۔ ایکسیئن ماڈل ٹاؤن سب ڈویژن محمداقبال خان جوئیہ، ایس ڈی او خانقاہ شریف سب ڈویژن حبیب اللہ خان، ایس ڈی او ماڈل ٹاؤن سب ڈویژن صابرکانجو کومبینہ طورپر کیمرہ ریڈنگ درست نہ ہونے پر معطل کردیا گیا ہے جبکہ واپڈا کی جانب سے میپکو سمیت دیگر ریجنز میں بھی میٹر ریڈنگ کے لئے میٹرریڈرز کو کیمرے فراہم کئے گئے ہیں ، باوثوق ذرائع کے مطابق چیف ایگزیکٹو انجینئر میپکو فضل اللہ درانی نے ایکسیئن ماڈل ٹاؤن سب ڈویژن محمداقبال خان جوئیہ کو معطل کردیا ہے جبکہ ایس ڈی او خانقاہ شریف سب ڈویژن حبیب اللہ خان اور ایس ڈی او ماڈل ٹاؤن سب ڈویژن صابرکانجو کوبھی معطل کرنے کی اطلاعات ملی ہیں۔
فرمان الہی
نماز کے اوقات
