فرمان الہی
نماز کے اوقات
قومی کرکٹ ٹیم کے کپتان محمد رضوان کو صائم ایوب کی کمی محسوس ہونے لگی، کہا عدم موجودگی کی وجہ سے کمبی نیشن ڈسٹرب ہورہا ہے۔
لاہور میں نیوز کانفرنس کے دوران محمد رضوان نے کہا کہ لاہور میں اوس کا عمل دخل ہوسکتا ہے، اس لیے 2 اسپنرز کام نہیں آسکتے۔
انہوں نے کہا کہ ابرار احمد پہلی ترجیح ہے اس لیے دوسرے اسپنرز کا نہیں سوچا، سہ فریقی سیریز سے چیمپیئنز ٹرافی کی اچھی تیاری ہوگی۔
قومی ٹیم کے کپتان نے مزید کہا کہ چیمپئنز ٹرافی کا اسکواڈ سب کے سامنے ہے، لازمی نہیں ہے کہ اسکواڈ میں تبدیلی کریں، ابھی ایسی کوئی بات نہیں کہ تبدیلی کر رہے ہیں۔
اُن کا کہنا تھا کہ بہترین ٹیم کا انتخاب کیا گیا ہے، خوشدل شاہ کی حالیہ پرفارمنس اچھی رہی ہیں، کنڈیشنز کے مطابق پلیئنگ الیون کا انتخاب کریں گے۔
محمد رضوان نے یہ بھی کہا کہ فخر زمان کو خود اپنی بیماری کا پتہ نہیں تھا، صائم ایوب کی کمی تو ہے کمبی نیشن بھی ڈسٹرب ہورہا ہے۔
