فرمان الہی
نماز کے اوقات
چیئرمین پاکستان کرکٹ بورڈ (پی سی بی) محسن نقوی نے انکشاف کیا ہے کہ سلیکشن کمیٹی چیمپئنز ٹرافی اسکواڈ کو ری ویو کررہی ہے۔
لاہور میں غیر رسمی گفتگو کے دوران محسن نقوی نے کہا کہ سلیکشن کمیٹی کو اختیار ہے وہ چیمپئنز ٹرافی کے قومی اسکواڈ میں تبدیلی کرتے ہیں یا نہیں۔
انہوں نے کہا کہ سلیکشن کمیٹی چیمپئنز ٹرافی کا اسکواڈ ری ویو کر رہے ہیں، خوشدل شاہ اور فہیم اشرف کو نیک نیتی سے اسکواڈ کا حصہ بنایا گیا۔
چیئرمین پی سی بی نے مزید کہا کہ دبئی کےلیے ویزے کا مسئلہ حل ہوگیا ہے، جس کے پاس میچ کا کارڈ یا ٹکٹ ہوگا اسے ویزا مل جائے گا۔
اُن کا کہنا تھا کہ 16 فروری کو چیمپئنز ٹرافی کی تقریب آئی سی سی کی آفیشل تقریب ہے، جس میں مختلف ممالک کے لوگوں کو مدعو کیا گیا ہے۔
محسن نقوی نے یہ بھی کہا کہ آئی سی سی کے ساتھ چیمپئنز ٹرافی کے میچ پاسز کی ڈیل طے پائی ہے، آئی سی سی سے طے شدہ رقم لیں گے۔
انہوں نے کہا کہ قذافی اسٹیڈیم کے نئے فائیو اسٹار ہوٹل کی تعمیر اگلے ایک سال میں مکمل کریں گے، نیشنل کرکٹ اکیڈمی کو نئے طریقے سے ڈیزائن کریں گے۔
چیئرمین پی سی بی نے کہا کہ این سی اے کے ٹریننگ گراؤنڈ کی توسیع کریں گے، وی آئی پی باکسز کو 6 سال کےلیے کرائے پر دیں گے۔
اُن کا کہنا تھا کہ ہر باکس کی قیمت 10 کروڑ روپے رکھی جائے گی، 24 باکسز میں سے کچھ سیریز ٹو سیریز رینٹ کریں گے اور باقی کچھ مدت کےلیے کرائے پر دیں گے۔
