فرمان الہی
نماز کے اوقات
فیفا کی جانب سے پاکستان کی رکنیت معطل کئے جانے کے بعد پاکستان فٹبال ٹیم کی اے ایف سی ایشین کپ 2027 کوالیفائرز کے تیسرے راؤنڈ میں شرکت خطرے میں پڑ گئی ہے۔
پاکستان کوالیفائرز کے گروپ ای میں شام، میانمار اور افغانستان کے ساتھ شامل ہے اور قومی ٹیم کو اپنا پہلا میچ 25 مارچ کو شام کے خلاف کھیلنا ہے۔
تاہم ایشین فٹبال کنفیڈریشن نے خبردار کیا ہے کہ اگر پی ایف ایف پر عائد معطلی 4 مارچ تک ختم نہ ہوئی تو پاکستان کو کوالیفائرز سے مکمل طور پر دستبردار تصور کیا جائے گا۔
اے ایف سی کی جانب سے پی ایف ایف کے نارملائزیشن کمیٹی کو بھیجے گئے خط میں واضح کیا گیا کہ کوالیفائر کے پہلے میچ کے تمام تقاضے پورے کرنے کی خاطر مناسب وقت کیلئے اگر پی ایف ایف پر عائد معطلی اس سال 4 مارچ تک ختم نہ ہوئی تو پاکستان کی قومی ٹیم کو مقابلے سے دستبردار تصور کیا جائے گا۔
واضح رہے کہ فیفا نے پی ایف ایف کانگریس کی جانب سے انتخابی اصلاحات کیلئے آئینی ترامیم منظور نہ ہونے پر پی ایف ایف کی رکنیت معطل کردی تھی۔
