فرمان الہی
نماز کے اوقات
پراپرٹی سیکٹر کیلئے بڑا ریلیف دے دیا گیا، نئے اور پرانے بنگلے اور فلیٹس کی ویلیوایشن میں فرق دوبارہ لاگو کردیا گیا ہے۔
اس حوالے سے فیڈرل بورڈ آف ریونیو (ایف بی آر) کی جانب سے کراچی کےلیے جائیداد کی قیمتوں پر نظرثانی کے بعد ترامیم کا نوٹیفکیشن جاری کردیا گیا۔
ایف بی آر نے کراچی سے متعلق 29 اکتوبر 2024 کے نوٹیفکیشن میں ترامیم کردیں۔ کراچی میں 5 سے 10 سال پرانے گھر کی ویلیو 5 فیصد کم تصور ہوگی۔
اسی طرح کراچی میں 10 سے 15 سال پرانے گھر کی ویلیو 7.5 فیصد جبکہ 15 سے 20 سال پرانے گھر کی ویلیو 10 فیصد کم تصور ہوگی۔
نوٹیفکیشن کے مطابق 25 سال پرانے گھر کی ویلیو پلاٹ کے برابر ہوگی۔
ایف بی آر کے مطابق کراچی میں 5 سے 10 سال پرانے فلیٹ کی ویلیو 10 فیصد کم تصور ہوگی۔
کراچی میں 10 سے 15 سال پرانے فلیٹ کی ویلیو 20 فیصد کم تصور ہوگی جبکہ 20 سے 30 سال پرانے فلیٹ کی ویلیو 30 فیصد کم تصور ہوگیْ
اسی طرح کراچی میں 30 سال سے زائد پرانے فلیٹ کی ویلیو 50 فیصد کم تصور ہوگی۔
سینئر پراپرٹی وکیل عمران میگرانی کا کہنا ہے کہ ویلیوایشن کم ہونے سے خریدار اور فروخت کنندہ کو ٹیکس کم دینا ہوگا۔
